Пятница, 09 марта 2018 14:44

Астанада Халықаралық әйелдер күніне арналған салтанатты іс-шара өтті

  • Whatsapp: whatsapp +77084442694 +77084442694
Оцените материал
(1 Голосовать)

Қазақстан Республикасы Қарулы Күштерінің Ұлттық әскери-патриоттық орталығында 8 наурыз – Халықаралық әйелдер күнінен арналған мерекелік іс-шара өтті.

Іс-шараға Қорғаныс министрлігі мен ҚР ҚК Бас штабының басшылығы, Қазақстан Қарулы Күштерінің ардагерлері және шақырылған меймандар қатысты.

«Бүгінде әйел әскери қызметшілер Қарулы Күштердің барлық түрлері мен әскер тектерінде ұсынылған. Олар ерлермен иық теңестіріп, қолдарына қару ұстап жауынгерлік кезекшілікке түседі, әртүрлі лауазымдардағы міндеттерді орындайды және барлық жерде өздерінің әскери борышын үлгілі орындайды. Жоғары кәсіби сәттіліктерге қол жеткізіп, Сіздер әсемдік қалыптарыңызды жоғалтпай, отбасылық тыныштықты сақтап, болашақ ұрпақтың қамын ойлайсыздар. Сіздерді көктемнің шуақты мерекесі 8 наурыз – Халықаралық әйелдер күнімен құттықтаймын! Сіздерге мықты денсаулық, мәңгі жастық шақ, сұлулық пен жұмыста табыс тілеймін», - деп ҚР Қорғаныс министрі қазақстандық армияның қырмызы аруларын құттықтады.  

Салтанатты шара барысында қызметтік міндеттерін үлгілі орындағандары үшін бірқатар әйел әскери қызметшілерге құрмет грамоталары мен медальдар табыс етіліп, сондай-ақ мерзімінен бұрын әскери атақтар берілді.

Салтанатты құттықтау рәсімі мерекелік концертке ұласты. ҚР ҚК Ұлттық әскери-патриоттық орталықтың сахнасында Орталық әскери ансамбльдің әртістері мен қазақстандық эстрада жұлдыздары өнер көрсетті. Шығармашылық ұжымдар әйел әскери қызметшілерге арнап отандық және шетелдік сазгерлердің музыкалық шығармаларын орындады. Халықаралық әйелдер күніне орай Қазақстан Қарулы Күштерінің барлық әскери бөлімдері мен мекемелерінде дәстүрлі түрде мерекелік шаралар өтуде. Үздік әйел әскери қызметші офицерлер мен сержанттарды атап өтіп, қазақстандық армияның нәзік жанды аруларын құттықтап, марапат көрсетілуде.

Заметили ошибку в тексте? Выделите ее и нажмите Ctrl+Enter
Прочитано 588 раз

Похожие материалы (по тегу)

© 2013-2019 ТОО "Ақмола Ақпарат". Все права защищены. Информационное агентство "Кокшетау Азия" Разработка - Веб студия "IT.KZ"