Іс-шара жас ұрпақтың бойындағы патриоттық сезімді қалыптастырып, отанға деген сүйіспеншілікті және қызығушылықтарын арттыратыны анық.
Іс-шараның мақсаты-жас ұрпақтың бойындағы патриотизм мен азаматтық жауапкершілікті қалыптастыру, отан тарихына деген қызығушылығын арттыру. Сондай-ақ, жеткіншектердің өнерін насихаттау, қолдау көрсету.
Көрмеге Көкшетау балалар көркемсурет мектебі оқушыларының 7 еңбегі, «Мұрагер» аулалық клубы тәрбиеленушілерінің 12 және Болашақ Сарайы жанындағы арнайы үйірменің жас қылқалам шеберлерінің 2 жұмысы қойылған. Сондай-ақ арт-көрменің орталық залында жоғары техникалық колледжі студенттерінің киізден құрап жасаған «Ұлы Жібек жолы» атты шығармашылық жұмысы орналастырылыпты. Жан-жағына матадан, бисерден, киізден жасалған туындылар да қойылған.
Туындылар жанры жағынан бір-біріне ұқсамайды. Қылқалам шеберлерінің сурет салу техникалары да алуан түрлі. Балғын шеберлер Отан тарихын, батырларды, еліміздің көрікті жерлерін портрет ретінде бейнелеген. Көрме 1 желтоқсанға дейін жалғасады.
