Көкшетау қаласындағы ірі сүт зауытының базасында Шоқан Уәлиханов атындағы Көкшетау университеті кафедрасының филиалы ашылды. Кәсіпорынның жетекші мамандары өз тәжірбиелерімен білімдерін студенттердің бойына сіңіретін болады.
Кәсіпорындарда ашылған кафедра филиалдары білім, ғылым және өндірістің өзара іс-қимылының тиімді нысандарының бірі. Оқытудың тәжірибеге бағытталған бағытын күшейту мақсатында жоғары оқу орнымен сүт зауыты арасында «химия және биотехнология»кафедрасының филиалын ашу туралы меморандумға қол қойылды.
Кафедра филиалының ашылуы кәсіпорын үшін үлкен маңызға ие. Бүгінде бұл жерде кадр тапшылығы байқалады. Зауыт директоры мұндай ынтымақтастық болашақта өндірісте нәтиже көрсететін білікті мамандарды шығаруға мүмкіндік береді деп санайды. Студенттердің сынақ зертханаларының жұмыс орындарында тікелей оқуға, заманауи жабдықтармен және технологиялармен танысуға мүмкіндігі бар.
Университет пен зауыт арасындағы ынтымақтастық аясында кәсіпорынның өзекті мәселелері бойынша дипломдық және магистрлік диссертациялар жазу, бірлескен ғылыми зерттеулер жүргізу жоспарлануда. Кәсіпорынның жетекші мамандары оқушыларға дәріс оқиды.
