Домой Новости Казахстана Культура Ақмола облысында үздік би ұжымдары анықталды

Ақмола облысында үздік би ұжымдары анықталды

775
0

Өңірде «Рухани қазына-2021» республикалық фестивалінің «Қазақстанның мәдени астанасы» іс-шаралар жоспары және «Дала фольклоры мен музыкасының мың жылы» жобасы аясында «Биле, жастық!» облыстық байқау өтті, деп хабарлайды ішкі саясат басқармасы.

Іс-шара екі күн бойы Атбасар ауданының мәдениет үйінің алаңында өтті.

Шығармашылық байланыстарды дамыту, көркемөнерпаздар ұжымдарының кәсіби деңгейін арттыру, тәжірибе алмасу және хореографиялық өнердің барлық жанрларын дәріптеу іс-шараны өткізудің басты мақсаты болды.

«Байқауға Ақмола облысының 13 қаласы мен ауданынан 15 көркемөнерпаздар хореографиялық ұжымдары қатысты. Шығармашылық сайыстың бірінші туры онлайн форматта, екіншісі — офлайн өтті. Ұжымдар екі композициядан тұратын бағдарламаны ұсынды. Бұл халық биі және таңдау биі», — деді мәдениет, архивтер мен құжаттамалар басқармасынан.

Мерекенің соңғы бөлігі гала-концерт болды, онда қатысушылар түрлі би жанрларынан өздерінің жарқын нөмірлерін көрсетті.

Байқаудың бас жүлдесін Көкшетау қаласының «Асыл мұра» халықтық хореографиялық ұжымы жеңіп алды.

Бірінші орынды Қорғалжын ауданының «Қазына» ұжымы иеленді. Екінші орынға Атбасар ауданының атынан шыққан «Молодость» халық ұжымы ие болды. Үшінші орын Бурабай ауданының «Оқжетпес» ұжымына берілді.

Атбасар ауданының «Родничок» халық ұжымы арнайы сыйлықпен марапатталды.

Жеңімпаздар мен жүлдегерлерге дипломдар мен бағалы сыйлықтар табыс етілді.

Айта кетейік, Тәуелсіздік мерейтойы аясында өңірде екі мыңнан астам түрлі мәдени іс-шаралар өткізілді.

Если вы хотите поддержать Kokshetau.asia, то вы можете сделать перечисление на любую сумму